large ad banner
/
/
title icon අයවැය අගෝස්තු 30 වැනිදා.
අයවැය අගෝස්තු 30 වැනිදා.
Editor
1 year ago
Share:
අයවැය අගෝස්තු 30 වැනිදා.

මුදල් අමාත්‍යවරයා ලෙස ජනාධිපති රනිල් වික‍්‍රමසිංහ අයවැය විසර්ජන සංශෝධන පනත් කෙටුම්පත දෙවන වර කියවීම ලබන 30 වනදා සිදුකිරීමට පාර්ලිමේන්තු සංකීර්ණයේ ඊයේ පැවති පාර්ලිමේන්තු කටයුතු පිළිබද කාරක සභාවේදි තීරණය වී තිබෙනවා.

පාර්ලිමේන්තුව ලබන 30 වනදා පස්වරු 01 සිට පස්වරු 2 දක්වා පැවත්වීමට එහිදී තීරණය කෙරුණු අතර අයවැය සංශෝධන පනත් කෙටුම්පත දෙවන වර කියවීමෙන් පසු ජනාධිපතිවරයා ලබන 31 දක්වා සභාව කල් තැබීමට නියමිතයි.

31 වනදා සිට දින තුනක් අයවැය විසර්ජන සංශෝධන පනත් කෙටුම්පත විවාදයට ගැනෙන අතර සැප්තැම්බර් 02 වනදා අයවැය කාරක සභා අවස්ථාව සහ පනත් කෙටුම්පත තුන්වන වර කියැවීමෙන් පසු එය සම්මත කර ගැනෙනවා. ඊට අදාළව එදින, පස්වරුවේ ජන්ද විමසිමක් පැවැත්වීමට නියමිතයි.

මේ අතර, මහබැංකු අධිපති ආචාර්්‍ය නන්දලාල් වීරසිංහගේ ප‍්‍රධානත්වයෙන් වත්මන් ආර්ථික තත්ත්වය පිළිබද පක්ෂ විපක්ෂ මන්තී‍්‍රවරුන් දැනුවත් කිරීමේ විශේෂ වැඩසටහනක් ලබන 30 වනදා පස්වරුවේ පාර්ලිමේන්තුවේදි පැවත්වෙන බව සභානායක අමාත්‍ය සුසිල් පේ‍්‍රමජයන්ත පක්ෂ නායකයින්ට දැනුම් දුන් බව පාර්ලිමේන්තු සන්නිවේදන දෙපාර්තමේන්තුව ප‍්‍රකාශ කළා.

මේ අතර, අද පැවති පාර්ලිමේන්තු කටයුතු පිළිබද කාරක සභාවේදි කෝපා සහ කෝප් කමිටුවල සභාපතිධූර විපක්ෂයට ලබාදීමට ගෙන ඇති තීරණයට ශී‍්‍ර ලංකා පොදුජන පෙරමුණේ මහලේකම් නිතීඥ සාගර කාරියවසම් විරෝධය පලකර තිබෙනවා. කෙසේ වෙතත්, විපක්ෂයේ නියෝජිතයින් ප‍්‍රකාශ කර ඇත්තේ එකඟ වී ඇති පරිදි මෙම ධුර විපක්ෂයට ලබා දි ඇති බවයි.

Leave a comment
User Icon
Your email address and phone will not be published. Required fields are marked with *
0 Comments

Action Required