/
/
title icon දුම්රියේ වේගය අඩු වෙයි – පමාව වැඩි වෙයි.
දුම්රියේ වේගය අඩු වෙයි – පමාව වැඩි වෙයි.
Editor
1 year ago
Share:
දුම්රියේ වේගය අඩු වෙයි – පමාව වැඩි වෙයි.

දුම්රිය අමතර කොටස් නොමැතිවීම නිසා මේ වනවිට දෛනිකව ධාවනය වන දුම්රිය ගමන්වාර 14 ක් පමණ අවලංගු කිරීමට පාලනාධිකාරිය කටයුතු කිරීම හේතුවෙන් මගී ජනතාව දැඩි අපහසුතාවයකට පත්ව ඇති බව ශ‍්‍රී ලංකා දුම්රිය ස්ථානාධිපති සංගමය පවසනවා.

එසේම, දුම්රියවලට අවශ්‍ය ලිහිසි තෙල් නොමැතිවීම සහ එන්ජින් වලට මෙන්ම මැදිරිවලට අවශ්‍ය විවිධ අමතර කොටස් වල දැඩි හිඟයක් පවතින බවයි ඔවුන් පෙන්වා දෙන්නේ.

එම ගැටලූවලට කඩිනම් මැදිහත් වීමක් සිදුකිරීමට දුම්රිය පාලනාධිකාරිය කටයුතු කරන්නේ ද යන්න ගැටලූවක් බව ද දුම්රිය ස්ථානාධිපති සංගමය පවසනවා.

එසේම, ඔවුන් පෙන්වා දෙන තවත් කරුණක් වන්නේ දෙපාර්තමේන්තුවේ 19,382 ක සේවක සංඛ්‍යාවක් සිටිය යුතු වුව ද මේ වනවිට සේවය කරනු ලබන්නේ 10,500 කට ආසන්න සේවක සංඛ්‍යාවක් බවයි.

මේ අතර පසුගිය දිනවල මුහුදුබඩ දුම්රිය මාර්ගයේ දුම්රිය කිහිපයක් පීලි පැනීමට ලක් වූ අතර පවතින තත්ත්වය හමුවේ දුම්රිය ධාවනය වේග සීමා පනවා සිදුකිරීම හේතුවෙන් දුම්රිය මගීන් දැඩි අපහසුතාවයකට පත්වන බවයි ශ‍්‍රී ලංකා දුම්රිය ස්ථානාධිපති සංගමයේ සභාපති සුමේධ සෝමරත්න කියා සිටියේ.

පවතින තත්ත්වය සම්බන්ධයෙන් දුම්රිය නියෝජ්‍ය සාමාන්‍යාධිකාරි ගාමිණී සෙනෙවිරත්න කියා සිටියේ මේ වනවිට මුහුදුබඩ දුම්රිය මාර්ගයේ වේගය පැයට කිලෝමීටර් 20 කට පමණ සීමා කර ඇති බවයි.

Leave a comment
User Icon
Your email address and phone will not be published. Required fields are marked with *
0 Comments

Action Required

logo