/
/
title icon “තිලිණි” නිසා පැතිරෙන කතා ගැන කියන්න ජවිපෙ අද CID යයි.
“තිලිණි” නිසා පැතිරෙන කතා ගැන කියන්න ජවිපෙ අද CID යයි.
Editor
1 year ago
Share:
“තිලිණි” නිසා පැතිරෙන කතා ගැන කියන්න ජවිපෙ අද CID යයි.

මූල්‍ය වංචා සම්බන්ධයෙන් දැනට රක්ෂිත බන්ධනාගාරගතකර සිටින තිළිණි ප‍්‍රියමාලි සමඟ ගණුදෙනු කළ බවට තම පක්ෂයේ සාමාජිකයින් කිහිපදෙනෙකුගේ නම් සඳහන් කරමින් සමාජ ජාල මාධ්‍ය ඔස්සේ සිදුකරන ප‍්‍රචාරණයන්ට එරෙහිව ජනතා විමුක්ති පෙරමුණ අද අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කිරිමට නියමිතයි.

මේ වනවිට ඇය සමඟ ගණුදෙනු කළ බව කියන පුද්ගලයින් රැසකගේ නම් සමාජ මාධ්‍යයේ සංසරණය වනවා.

එමෙන්ම තිලිණි ප්‍රියමාලිගේ සමාගමේ මුදල් තැන්පත් කිරීම සම්බන්ධයෙන් ප‍්‍රකාශයක් ලබාගැනීම සඳහා හිටපු ආණ්ඩුකාර අසාද් සාලි ද අද අපරාධ පරීක්ෂණ දෙපාර්තමේන්තුව වෙත කැඳවා තිබෙනවා.

මේ අතර පාර්ලිමේන්තු මන්ත‍්‍රීවරුන් වන දයාසිරි ජයසේකර, ආචාර්ය නාලක ගොඩහේවා සහ සිංහලේ ජාතික සංවිධානයේ මහ ලේකම් පූජ්‍ය මැඩිල්ලේ පඤ්ඤාලෝක හිමියන් ද අපරාධ පරීක්ෂණ දෙපාර්තමේන්තුවට ඊයේ පැමිණිලි ඉදිරිපත් කළා.

මේ අතර දැනට රක්ෂිත බන්ධනාගාරගත කර සිටින තිළිණි ප‍්‍රියමාලි සතුව තිබී ඊයේ ජංගම දුරකතනයක් සොයාගත් අතර එය විමර්ශන සඳහා අපරාධ පරීක්ෂණ දෙපාර්තමේන්තුව වෙත භාරදෙනු ලැබුවා.

කොළඹ ලෝක වෙළඳ මධ්‍යස්ථානයේ බටහිර කුළුණේ 34 වන මහලේ සුඛෝපභෝගී කාර්යාලයක් පවත්වාගෙන ගිය මෙම කාන්තාව පසුගියදා අපරාධ පරීක්ෂණ දෙපාර්තමේන්තුව අත්අඩංගුවට ගනු ලැබුවේ රුපියල් මිලියන 226 කට අධික මුදලක් ලබාගෙන ඒවා ආපසු ගෙවීම සඳහා ලබාදුන් චෙක්පත් අගරු වීම සම්බන්ධයෙන් ව්‍යාපාරිකයෙකුගෙන් ලද පැමිණිල්ලකට අනුවයි.

ඇය සිදුකළ මූල්‍ය වංචා සම්බන්ධයෙන් අපරාධ පරීක්ෂණ දෙපාර්තමේන්තුවට මේ වන විට ලැබී ඇති පැමිණිලි සංඛ්‍යාව 08 ක්.

එමෙන්ම හෝමාගම, කඩුවෙල සහ කොළඹ යන අධිකරණවලද ඇයට එරෙහිව මීට පෙර සිටම මුල්‍ය වංචා සම්බන්ධයෙන් නඩු විභාගවෙමින් පවතින බවයි පොලිසිය සඳහන් කළේ.

Leave a comment
User Icon
Your email address and phone will not be published. Required fields are marked with *
0 Comments

Action Required

logo