/
/
title icon නිවසේ ආහාර නාස්තිය අවම කරමු.
නිවසේ ආහාර නාස්තිය අවම කරමු.
Editor
1 year ago
Share:
නිවසේ ආහාර නාස්තිය අවම කරමු.

වර්තමානයේ රටේ පවතින තත්වය සමග බොහෝ දෙනා එදිනෙදා ජීවන අරගලයට මුහුණ දෙමින් සිටී. ආර්ථිකය කෙතරම් ශක්තිමත් නිවසක වුවද මේ සමයේ මන කළමනාකාරිත්වයකින් කටයුතු කිරීම වැදගත්. විශේෂයෙන්ම දිනෙන් දිනම ඉහළ යන බඩු මිල නිසා එළවළු , පළතුරු ඇතුළු අනෙකුත් ආහාර ද්‍ර්ව්‍ය මිලදී ගැනීමට විශාල මුදලක් වැය කිරීමට සිදුව තිබේ.

එම නිසා මුළුතැන්ගෙයි කටයුතු මනා කළමනාකරණයකින් සිදු කිරීම වර්තමානයේ ගෘහණියක් ලෙස කාන්තා ඔබ වෙත පැවරෙන වගකීමකි. එහිදී ප්‍රධාන ලෙසම ආහාර නාස්තිය අවම කර ගත යුතුය. නිවසක් තුළ දෛනිකව පරිභෝජනය කරන ආහාර වලින් වැඩි කොටසක් ඇතැම් විට අපතේ යවනු ඇත. නමුත් වර්තමානයේ ගෝලීය කොවිඩ් -19 වසංගත තත්වයත් සමග රටේ උදගත වී ඇති ගැටලු හමුවේ ආහර වුව්ද පිරිමැස්මෙන් භාවිතා කළ යුතු තත්වයක් උදා වී ඇත.

මෙහිදී ගෘහණියක් ලෙස ඔබට මුළුතැන්ගෙයි ආහාර සකස් කරන කටයුතු සැලසුම් සහගත ලෙස සිදු කළ හැක. විශේෂයෙන්ම නිවසට අවශ්‍ය ආහාර ද්‍ර්වය වෙළසැලෙන් මිලදී ගැනීමේදීම කල්තබා ගත හැකි ආහාර වැඩි වශයෙන්ද ( වියලි ආහාර ) වැඩි දින ගණනක් කල තබා ගැනීමට අපහසු එලවලු පළතුරු අඩු වශයෙන්ද මිලදී ගත යුතුය.

එළවලු කිහිපයක් නිවසට ගෙන එන්නේ නම් එය සකස් කළ යුත්තේද කල් තබා ගත හැකි පිළිවෙල අනුවයි. ඉක්මනින් නරක් වන එළවලු වර්ග ඉක්මනින් පිසිය යුතුය. ශීතකරණයේ වුවද ගබඩා කිරීමේදී එය අනෙක් එළවළු හා ගැටී නරක් වීමේ ස්භාවයක් ඇත. එම නිසා එලෙස නොවීමටද වග බලා ගත යුතුය.

තවද නිවසේ බල්ලන් පූසන් වැනි සතුන් සිටී නම් ඔවුන් වෙනුවෙන්ද ඉතුරු වන ආහාර වෙනම එකතු කර නැවත පිස සකස් කර දිය හැක. මෙහිදී බොහෝ විට අපතේ යාම වැළකෙනු ඇත.

තවද ඉතුරු වන බත් ආදීය නැවත වේලා සවස තේ වේලාවට කිසියම් වූ අතුරුපසක් සකස් කරගැනීමට භාවිතා කළ හැක. එලෙස ඉතුරුවන ආහාර වලින්ද නැවත ආහාරයට ගත හැකි ලෙස බොහෝ ආහාර සකස් කරගැනීමට හැකි වේ. එමෙන්ම මුළුතැන්ගෙයි ඉවතලන පොල්කුඩු ආදිය වේලා තෙල් ලෙස ලබා ගෙන නැවත පරිභෝජනය කිරීමේ හැකියාවක් තිබේ.

එමෙන්ම ආහාර වේල් සකස් කර ගැනීමේදී ද නිවසේ සිටින පිරිසට ප්‍රමාණවත් ලෙස පමණක් සකස් කරගැනීමෙන් ආහාර නාස්ති වීම බොහෝ දුරට අවම කර ගැනීමට හැකි වේ.

 දිල්කි රත්නායක 

Leave a comment
User Icon
Your email address and phone will not be published. Required fields are marked with *
0 Comments

Action Required

logo