ඔක්ටේන් 92 වර්ගයේ පෙට‍්‍රල් ලීටරයක මිල ඊයේ මධ්‍යම රාත්‍රියේ සිට රුපියල් 30කින් ඉහළ දැමීමට ලංකා ඛනිජ තෙල් නීතිගත සංස්ථාව කටයුතු කළා. එම සංස්ථාව සඳහන් කළේ ඒ අනුව පෙට‍්‍රල් ලීටරයක නව මිල රුපියල් 400ක් ලෙස දැක්වෙන බවයි.

සෙසු ඉන්ධන වර්ගවල මිල නොවෙනස්ව පවතින බවද ඛනිජ තෙල් නීතිගත සංස්ථාව නිකුත් කළ නිවේදනයේ සඳහන්.

මේ අතර, ඛනිජ තෙල් නිතිගත සංස්ථාවේ මිල සංශෝධනයට සමගාමීව ඊයේ මධ්‍යම රාත්‍රියේ සිට ලංකා අයි.ඕ.සී. සමාගමද ඔක්ටේන් 92 වර්ගයේ පෙට‍්‍රල් ලීටරයක මිලද රුපියල් 30කින් ඉහළ දැමීමටයි පියවර ගෙන ඇත්තේ.