large ad banner
/
/
title icon බලූ පැටවුන් යට කිරීමේ සිද්ධියට කතක් අල්ලයි.
බලූ පැටවුන් යට කිරීමේ සිද්ධියට කතක් අල්ලයි.
Editor
1 year ago
Share:
බලූ පැටවුන් යට කිරීමේ සිද්ධියට කතක් අල්ලයි.

සමාජ මාධ්‍ය ඔස්සේ පසුගිය දිනවල දැඩි ලෙස කතා බහට ලක්වෙමින් සංසරණය වූ මෝටර් රථයකට සුනඛ පැටවුන් දෙදෙනෙකු යටකිරීමේ සිද්ධියට සම්බන්ධ කාන්තාවක් අත්අඩංගුවට ගෙන තිබෙනවා. පොලිස් මාධ්‍ය කොට්ඨාශය සඳහන් කළේ 27 හැවිරිදි මෙම කාන්තාව මතුරට ඇහැලගස්තැන්න ප‍්‍රදේශයේ පදිංචිකාරිණියක බවයි.

මෙම සිද්ධිය සම්බන්ධයෙන් මතුරට පොලිසියට පැමිණිල්ලක් ලැබී තිබුණේ පසුගිය 18 වනදායි. ඒ අනුව සිදුකළ විමර්ශනයේදී පසුගිය 17 වනදා සවස් කාලයේ පදියපැලැල්ල – රිකිල්ලගස්කඩවල ප‍්‍රධාන මාර්ගයේ කඳුරකඩේ ප‍්‍රදේශයේදී මෝටර් රථයක ඉදිරිපස සහ පිටුපස රෝදවලට මාස 2 ක් පමණ වයසැති සුනඛ පැටවුන් දෙදෙනෙකු යටවන අකාරය අසල නිවසක සවිකර තිබූ සීසීටීවි කැමරා දර්ශන වලින් නිරීක්ෂණය වී තිබුණා.

එම දර්ශන ඔස්සේ සිදුකළ විමර්ෂණයේදී මියගිය සුනඛ පැටවුන් දෙදෙනා යම් පුද්ගලයෙකු විසින් මාර්ගයට ගෙනවිත් දමා ඇති බවත් දින කිහිපයක් ඒ අසල මෙම සතුන් සිටි බවටත් හෙලිව තිබෙනවා. සමාජ මාධ්‍ය ඔස්සේ සංසරණය වූ වීඩියෝවේ සිටින වැඩිහිටි සුනඛයා අසල්වැසි නිවසක පිරිමි සුනඛයෙකු බවටත් එම සතා මෙම පැටවුන්ට ලෙන්ගතුව සිට ඇති බවත් අනාවරණය වී ඇති බව පොලිස් මාධ්‍ය කොට්ඨාශය සඳහන් කළා.

මෙම සුනඛ පැටවුන් යට කරන ලද මෝටර් රථයේ ලියාපදිංචි අංකය ඔස්සේ සිදුකළ විමර්ශනයේදී එම මෝටර් රථයේ හිමිකරු මතුරට ප‍්‍රදේශයේ පදිංචි පුද්ගලයෙකු බවත් සුනඛයින් යටකරන අවස්ථාවේ එහි රියදුරු ලෙස මෝටර් රථයේ හිමිකරුගේ වැඩිමහල් සහෝදරයාගේ බිරිඳ සිට ඇති බවටත් අනාවරණය වී තිබෙනවා. අදාළ මෝටර් රථය පැදවූ කාන්තාව පදියපැලැල්ල ප‍්‍රදේශයට ගොස් නැවත රිකිල්ලගස්කඩ ප‍්‍රදේශයේ තම නිවසට යන අතරතුර මෙම ක්‍රියාව සිදුකර ඇති බවයි හෙලි වුණේ.

මතුරට පොලිසිය විසින් මෙම සිදුවීම සම්බන්ධයෙන් මෝටර් රථයේ හිමිකරුට දැනුම්දීමෙන් පසු ඊයේ උදෑසන මෝටර් රථය පැදවූ කාන්තාව ඇගේ සැමියා සමග මතුරට පොලිසිය වෙත පැමිණ ඇති අතර ඇයගෙන් ප‍්‍රකාශ සටහන් කර ගැනීමෙන් අනතුරුව සත්ව හිංසන පනතේ වගන්ති ප‍්‍රකාරව අත්අඩංගුවට ගැනීමට කටයුතු කර තිබෙනවා.

සැකකාරිය වලපනේ මහේස්ත‍්‍රාත් අධිකරණයට ඉදිරිපත් කිරීමෙන් පසුව වරද පිලි ගන්නා බවත් කරන ලද වරද පිළිබඳව පසුතැවිලි වන බවත් අධිකරණය වෙත ප‍්‍රකාශ කර තිබෙනවා. පසුව ඇය රුපියල් ලක්ෂයක ශරීර ඇපයක් මත මුදාහැරීමෙන් අනතුරුව නඩුව ජුනි මස 01 වනදා කැදවීමට නියෝග කළා.

Leave a comment
User Icon
Your email address and phone will not be published. Required fields are marked with *
0 Comments

Action Required