ශ්‍රී ලංකා කණ්ඩායම සමග පැවැති පළමු ටෙස්ට් තරගය කඩුලු 5කින් ජය ගැනීමට එංගලන්ත කණ්ඩායම ඊයේ සමත්වුණා.

ඒ අනුව, තරග 3කින් සමන්විත තරගාවලියේ 1 - 0 ලෙස මේ වනවිට පෙරමුණ ගෙන ඇත්තේ එංගලන්තය කණ්ඩායමයි.

මැන්චෙස්ටර් හි පැවති තරගයේ පළමුවෙන් පන්දුවට පහරදුන් ශ්‍රී ලංකා කණ්ඩායම සිය පළමු ඉනිම සඳහා සියලුදෙනා දැවී ලකුණු 236ක් ලබාගත්තා.

ඊට පිළිතුරු ලෙස එංගලන්තය සිය පළමු ඉනිම සියලුදෙනා දැවී ලකුණු 358ක් රැස් කළා.

ලකුණු 122ක් පිටුපසින් සිට සිය දෙවන ඉනිම ආරම්භ කළ ශ්‍රී ලංකා කණ්ඩායම එහිදී ලකුණු 326ක් රැස් කළේ එංගලන්ත කණ්ඩායමට ලකුණු 205ක ඉලක්කයක් ලබාදෙමින්.

එම ඉලක්කය කඩුලු 05ක් පමණක් දැවී තිබියදී පසුකර යෑමට එංගලන්ත කණ්ඩායම සමත් වුණා.