ජාතික ජනබලවේගයේ ප්‍රතිපත්ති ප්‍රකාශනය ඉදිරිපත් කර ‘පාස්කු ප්‍රහාර’ විමර්ශන පිළිබඳව දුන් පොරොන්දුව ඉටුවී නොමැති වීම සහ ඒ සඳහා මූලික වැඩපිළිවෙළක් හෝ ක්‍රියාත්මක කිරීමට කටයුතු නොකිරීමෙන් සසළ වී සිටින බව අගරදගුරු අතිඋතුම් මැල්කම් කාදිනල් රංජිත් හිමිපාණන් ඊයේ පැවසුවා. 

උන්වහන්සේ කොච්චිකඩේ ශාන්ත අන්තෝනි මුනිඳුන්ගේ දේවස්ථානයේ 191 වැනි වාර්ෂික මංගල්‍යය වෙනුවෙන් ඊයේ පැවැති දේව මෙහෙයට එක්වෙමින් මේ බව කියා සිටියා. 

පසුගිය මැතිවරණ සමයේ පාස්කු ප්‍රහාරයේ වින්දිතයන්ට වර්තමාන රජය දුන් පොරොන්දුව වන ‘පාස්කු දින ත්‍රස්ත ප්‍රහාර’ පිළිබඳව වොහාරිකව පවත්වන විමර්ෂණවලට මගපෙන්වීමට සහ උදව්වීමට මෙන්ම ප්‍රහාරය සම්බන්ධ නඩු කටයුතු පත්වාගෙන යෑමට බලතල ඇති විශේෂ අභිශෝදවරයෙක් සහ කාර්යාලයක් ස්ථාපිත කිරීම මේ දක්වා ඉටුකර නොමැති බව කණාගාටුවෙන් වුවද ප්‍රකාශ කළයුතු බවත් උන්වහන්සේ පැවසුවා. 

ඇතැම් දේශපාලන නායකයන්ට බැළමෙහෙවර කිරීමට ඇති ආශාව මත හැසිරෙන මෙවැනි දෙපාර්තමේන්තු සහ රජයේ උසස් යැයි කියාගන්නා නිලධාරීන් හැසිරෙන ආකාරය හෙළාදකින බවද අගරදගුරු හිමිපාණන් කියා සිටියා. 

එම මහා ව්‍යවසනය පිළිබඳව කළින් දැන සිටිය ද එය වැළැක්වීමට නිල බලයෙන් වගකීමක් තිබියදී කිසිවක් නොකළ හිටපු ජනාධිපතිවරයෙක්, අගමැතිවරයෙක් සහ පොලිසිය ඇතුළු ආරක්‍ෂක අංශවල උසස් නිලධාරීන් ගැන ජනාධිපති කොමිෂන් වාර්තාවෙන් නිර්දේශ කර ඇති පරිදි නීතිපතිවරු සහ එම දෙපාර්තමේන්තුව මේ දක්වා කිසිඳු නීත්‍යානුකූල හෝ විනයානුකූල පියවරක් ගෙන නොමැති යැයි බළවත්ම කණගාටුවෙන් සඳහන් කරන බවත් තමන් ඇතුළු පිරිස පවරූ නඩු කීපයක් තුළින් වින්දිතයන්ට අදාල පුද්ගලයන්ගෙන් දඩ මුදල් අයකරගැනීමට හැකිවූවා මිස එතෙක් කල් නීතිපති දෙපාර්තමේන්තුව කිසිවක් නොකිරීම ලැජ්ජාසහගත බවත් මැල්කම් කාදිනල් රංජිත් හිමිපාණන් පැවසුවා. 

ජනාධිපති කොමිසන් සභා වාර්තාවේ පළමු වෙළුවේ ඇති 200 කට වඩා නිර්දේශ කිසිවක් ක්‍රියාවට නැංවීමට කිසිඳු දේශපාලන නායකයෙක් හෝ පක්‍ෂයක් මේ දක්වා ක්‍රියාත්මක වී නොමැති අතර ඒ පිළිබඳව කිසි යාන්ත්‍රණයක් හෝ ආරම්භ කරනොමැතිවීම යතාර්ථය බවට පත්ව ඇති බවත් යුක්තිය පසදාලීම සඳහා නීතිපති දෙපරේතමේන්තුවට යෝජනා කර ඇති ක්‍රියාදාමයන් කිසිවක් මේ දක්වා ක්‍රියාවට නංවා නොමැති බවත් උන්වහන්සේ සඳහන් කළා.