ත්‍රිකුණාමලය, තඹගලගමුව ප්‍රදේශයේ කෝවිලක ඊයේ රාත්‍රියේ පැවති වාර්ෂික උත්සවයකදී මල් ⁣වෙඩිල්ලක් පත්තු වී පුද්ගලයෙකු ජීවිතක්ෂයට පත්ව තිබෙනවා.

අදාළ උත්සවයේ පෙරහැර පැවැත්වෙමින් තිබියදී මල්වෙඩි සංදර්ශනයක් පවත්වා ඇති අතර, එහිදී එක් මල්වෙඩිල්ලක් පත්තු වී නැහැ.

ඒ හේතුවෙන් අසල සිටි පුද්ගලයෙක් එම මල්වෙඩිල්ලට පාදයෙන් ගසා ඇති අතර, එහිදී එය මෙම මියගිය පුද්ගලයාගේ ඇඟට විසි වී තිබෙනවා. 

ඒ සමගම එය පුපුරාගොස් ඇති බව සඳහන්.

එහිදී තුවාල ලැබූ පුද්ගලයා තඹලගමුව රෝහලට ඇතුළත් කිරීමෙන් අනතුරුව ජීවිතක්ෂයට පත්ව තිබෙනවා.

මෙලෙස මියගොස් ඇත්තේ එම ප්‍රදේශයේම පදිංචි වයස අවුරුදු 45ක් වූ තිදරු පියෙක්.