මෙරට රත්‍රං මිල ඊයේ දිනයට සාපේක්ෂව රුපියල් 20,000කින් පහළ ගොස් ඇති බව කොළඹ හෙට්ටිවීථිය වෙළෙඳපොළ දත්ත පවසනවා.

ඒ අනුව අද පෙරවරුවේ කොළඹ හෙට්ටිවීදිය රන් වෙළෙඳපොළෙහි "කැරට් 22" රන් පවුමක මිල රු. 360,800ක් දක්වා පහළ ගොස් තිබෙනවා.

ඊයේ දිනයේදී එය දැක්වුණේ රු. 379,200ක් ලෙසයි.

මේ අතර ඊයේ දිනයේදී රු. 410,000ක් ලෙස පැවති "කැරට් 24" රන් පවුමක මිල අද වනවිට රු. 390,000ක් දක්වා පහළ ගොස් ඇති බව කොළඹ හෙට්ටිවීදිය රත්‍රං වෙළෙඳපොළ ආරංචි මාර්ග සඳහන් කළා.