ශ්රී ලංකා පරිපාලන සේවයේ විශේෂ ශ්රේණියේ නිලධාරියෙකු වන රසික පීරිස් මහතා නව මැතිවරණ කොමසාරිස් ජනරාල්වරයා ලෙස අද පෙරවරුවේ සිය ධුරයේ වැඩ භාරගනු ලැබුවා.
1998 මාර්තු 2වනදා ශ්රී ලංකා පරිපාලන සේවයේ පත්වීම් ලැබූ ඒ මහතා, එම වසරේම සැප්තැම්බර් 15 වැනිදා මැතිවරණ දෙපාර්තමේන්තුවේ සහකාර මැතිවරණ කොමසාරිස්වරයෙකු ලෙස සේවයට එක්ව තිබෙනවා.
එතැන් සිට සහකාර මැතිවරණ කොමසාරිස්වරයෙකු, නියෝජ්ය මැතිවරණ කොමසාරිස්වරයෙකු හා අතිරේක මැතිවරණ කොමසාරිස්වරයෙකු ලෙස එම දෙපාර්තමේන්තුවේ හා මැතිවරණ කොමිෂන් සභාවේ අඛණ්ඩව අවුරුදු 27ක් සේවය කළ ජ්යෙෂ්ඨතම මාණ්ඩලික නිලධාරියෙකුද වනවා.
හිටපු මැතිවරණ කොමසාරිස් ජනරාල් සමන් ශ්රී රත්නායක මහතාට වයස අවුරුදු හැට සම්පූර්ණවීම මත පසුගිය 13 වැනිදා රාජ්ය සේවයෙන් විශ්රාම ගැනීමෙන් අනතුරුව එම ධුරය පුරප්පාඩුව පැවතියා.
