ආපදාවෙන් පසු ජන ජීවිතය යථා තත්ත්වයට පත් කිරීමේදී සාමාන්ය රාජ්ය යාන්ත්රණය ඉක්මවා යන සියලුදෙනා ඒකාබද්ධ කරගත් මෙහෙයුම් යාන්ත්රණක් අවශ්ය බව ජනාධිපති අනුර කුමාර දිසානායක මහතා අවධාරණය කරනවා.
අද පෙරවරුවේ මහනුවර දිස්ත්රික් ලේකම් කාර්යාලයේදී පැවති මහනුවර දිස්ත්රික් සම්බන්ධීකරණ කමිටු රැස්වීමට එක්වෙමින් ජනාධිපතිවරයා මේ බව සඳහන් කළා.
දිස්ත්රීක්කයේ මහා මාර්ග, විදුලිය, ජලය සහ ඉන්ධන සැපයුම වාරිමාර්ග සහ සන්නිවේදන පද්ධතිය යථාවත් කිරීම ඇතුළු අත්යවශ්ය යටිතල පහසුකම් සංවර්ධනය වෙනුවෙන් ක්රියාත්මක කඩිනම් වැඩසටහන්වල ප්රගතිය සහ අවසන් කෙරෙන කාලය පිළිබඳ මෙහිදී ජනාධිපතිවරයා වෙන් වෙන්ව විමසා බැලුවා.
ස්ථීර ලෙස මාර්ග පද්ධතිය ඉදිකරන තුරු ඉදිරි දින 25 සඳහා වෙන් කර ඇති ප්රතිපාදන උපයෝගී කර ගනිමින් මාර්ග පිළිසකර කිරීම් කඩිනමින් අවසන් කරන ලෙස ජනාධිපතිවරයා මෙහිදී මාර්ග සංවර්ධන අධිකාරියේ නිලධාරීන්ට උපදෙස් ලබාදුන්නා.
දිස්ත්රීක්කයේ ජල සැපයුම් දින 03ක් තුළ සම්පූර්ණයෙන් යථා තත්ත්වයට පත් කිරීමටද උපදෙස් දුන් ජනාධිපතිවරයා එතෙක් බවුසර් මගින් ජනතාවගේ ජල අවශ්යතා සපුරාලීමටත්, එම කටයුතුවලදී සාමාන්ය ක්රියාවලියෙන් ඔබ්බට ගොස් හදිසි අවශ්යතාවක් සේ සලකා ප්රසම්පදාන කටයුතු සිදු කිරීමටත් ත්රිවිධ හමුදාවේ තාක්ෂණික සහාය ලබා ගැනීමටත් උපදෙස් ලබාදීමට පියවර ගත්තා.
එමෙන්ම නිවාස වල ළිං සුද්ධ පවිත්ර කිරීමේ කටයුතු ප්රදේශීය ලේකම් කාර්යාලවල මැදිහත්වීමෙන් සිදු කිරීමටද උපදෙස් දුන් අතර විශාල ප්රතිසංස්කරණ කටයුතු දෙවන අදියරට තබා ගනිමින් තාවකාලික පිළිසකර කිරීම් තුළින් මෙම දෙසැම්බර් 31 වනදා වන විට දිස්ත්රික්කයේ විදුලි සැපයුම යථාවත් කිරීමටද උපදෙස් ලබාදීම සිදුකළා.
එමෙන්ම වගා කළ හැකි බිම් හදුනාගෙන ඒවා වගා කිරීමට ප්රමඛතාව ලබා දීමේ අවශ්යතාව පෙන්වා දුන් ජනාධිපතිවරයා ඉක්මණින් වගා කළ හැකි කුඹුරු හඳුනාගෙන ඒවාට අවශ්ය වාරි ජලය සැපයීමටත්, එහිදී මහා වාරිමාර්ග දෙපාර්තමේන්තුව, පළාත් වාරිමාර්ග දෙපාර්තමේන්තුව සහ ගොවිජන සේවා දෙපාර්තමේන්තුව ඒකාබද්ධව කටයුතු කිරීමේ වැදගත්කමත් අවධාරණය කරනු ලැබුවා.
ඉක්මණින් වගාකළ හැකි ගොවීන් ප්රමාණය සහ ගොවි බිම් ප්රමාණය හඳුනාගෙන ඔවුන්ට ලබා දීමට තීරණය කර ඇති රුපියල් ලක්ෂ 02ක වන්දි මුදල කඩිනමින් ලබා දීමටද උපදෙස් දුන් ජනාධිපතිවරයා ආපදාවෙන් හානියට පත් දිස්ත්රික්කයේ එළවළු වගාව පිළිබඳවද සති දෙකක් ඇතුළත වාර්තාවක් ලබා ගනිමින් ඔවුන් වෙනුවෙන් ලබා දෙන හෙක්ටයාරයකට රුපියල් ලක්ෂ එක හමාරක් වූ වන්දි මුදල් ලබා දීමටත්, කෙසෙල් වගාවට සිදු වූ හානි සඳහා එළවළු වගාවට ලබා දෙන වන්දි මුදලම ලබා දීමට හැකි වන පරිදි අවශ්ය සංශෝධන සිදු කිරීමත් උපදෙස් දුන්නා.
