රාජ්ය සේවයේ බඳවා ගැනීම් ක්රියාවලිය සමාලෝචනය කිරීම සහ කාර්ය මණ්ඩල කළමනාකරණය කිරීම පිණිස පත් කරන ලද කමිටුවේ නිර්දේශ ක්රියාත්මක කිරීමට කැබිනට් අනුමැතිය ලැබී තිබෙනවා.
රාජ්ය සේවයේ බඳවා ගැනීම් ක්රියාවලිය සමාලෝචනය කරමින් අවශ්යතා, ප්රමුඛතා හා කාලරාමු හඳුනාගෙන ඒ ආශ්රිතව අත්යවශ්යයෙන්ම සිදු කළ යුතු බඳවා ගැනීම සම්බන්ධයෙන් අවශ්ය පියවර ගැනීම සඳහා අග්රාමාත්ය ලේකම්ගේ ප්රධානත්වයෙන් නිලධාරි කමිටුවක් පත් කිරීමටයි පියවර ගෙන ඇත්තේ.
ඒ ඒ අමාත්යාංශ විසින් එම අමාත්යාංශ යටතේ පවතින දෙපාර්තමේන්තු සහ අනෙකුත් ආයතනවල පවතින තනතුරු පුරප්පාඩු සම්පූර්ණ කිරීම සඳහා එම කමිටුව වෙත ඉදිරිපත් කරනු ලැබ ඇති ඉල්ලීම් සැලකිල්ලට ගෙන, 2025-11-14 දින පැවති එම නිලධාරි කමිටු රැස්වීමේදී සිදු කරනු ලැබ ඇති නිර්දේශ පරිදි ඉදිරිපත් කෙරුණු බඳවා ගැනීම් සිදු කිරීම පිණිස අග්රාමාත්යවරිය ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
ඒ අනුව අමාත්යාංශ, කොමිෂන් සභා සහ පළාත් සභා කිහිපයකට අදාළව පවතින පුරප්පාඩු 2,284ක් පිරවීම සඳහා අනුමැතිය හිමිව ඇතැයි සඳහන්.
