ප්රකාශයක් ලබාදීමට පැමිණි අවස්ථාවේදී පොලිස් මූල්ය අපරාධ විමර්ශන කොට්ඨාසය අත්අඩංගුවටගත් හිටපු අමාත්ය ජොන්ස්ටන් ප්රනාන්දු සහ ඔහුගේ පුත්රයා ජනවාරි 09 වැනිදා දක්වා රක්ෂිත බන්ධනාගාරගත කිරීමට වත්තල මහේස්ත්රාත් අධිකරණය අද නියෝග කළා.
ඒ, සතොස ආයතනයේ ලොරි රථයක් අවභාවිත කිරීම සම්බන්ධයෙන් සිදුකෙරෙන විමර්ශනයට අදාළවයි.
මෙම චෝදනාවට අදාළව හිටපු අමාත්යවරයාගේ තවත් පුත්රයකු සහ සතොස හිටපු ප්රවාහන කළමනාකරුවෙකුද මේ වනවිට පසුවන්නේ රක්ෂිත බන්ධනාගාරගතවයි.
හිටපු අමාත්ය ජොන්ස්ටන් ප්රනාන්දු සමූපකාර හා අභ්යන්තර වෙළෙඳ කටයුතු අමාත්යවරයා ලෙස කටයුතු කළ සමයේ සතොස ආයතනයේ ලොරි රථයක් ඔහුට අයත් බව කියන එතනෝල් සමාගමක රාජකාරි සඳහා යොදවා තිබීමෙන් රජයට රුපියල් ලක්ෂ දෙකහමාරක මුදලක් පාඩු කළේයැයි වූ චෝදනාවට හිටපු අමාත්යවරයා සහ ඔහුගේ පුත් ජොහාන් ප්රනාන්දු අත්අඩංගුවට ගන්නා ලෙස නීතිපතිවරයා පොලිස් මූල්ය අපරාධ විමර්ශන කොට්ඨාසයට උපදෙස් දී තිබුණා.
