දෙවැනි සහ තෙවැනි පාසල් වාරවලට අදාළ මොඩියුලය පිළියෙළ කිරීමේදී මින් ඉදිරියට කිසිදු ශ්රේණියකට වෙබ් සබැඳි ඇතුළු කිරීම සම්පූර්ණයෙන්ම නතර කිරීමට තීරණය කර ඇති බව අග්රාමාත්ය ආචාර්ය හරිනි අමරසූරිය පවසනවා.
අද පාර්ලිමේන්තුවේදී අදහස් පළ කරමින් ඇය පැවසුවේ ජාතික අධ්යාපන ආයතනයේ ශාස්ත්රිය කටයුතු මණ්ඩලය විසින් මෙම තීරණය ගෙන ඇති බවයි.
ඒ අනුව දැනට මෙම මොඩියුල සඳහා ඇතුළත් කර ඇති වෙබ් අඩවි සහ අනෙකුත් මූලාශ්ර සඳහා මුදල් ගෙවීමක් අවශ්ය නොවන ඒවා වන අතර රාජ්ය වෙබ් අඩවි භාවිත කිරීමේදී විනිවිදභාවය වගකීම සහ ප්රසම්පාදනය පිළිබඳ ගැටලුවක් මතු නොවන බවද ඇය මෙහිදී සඳහන් කළා.
අධ්යාපනයේ ඩිජිටල් පරිවර්තනය සඳහා වූ කාර්ය සාධක බලකාය විසින් මේ වනවිට ඩිජිටල් භාවිතය පිළිබඳ ළමා ආරක්ෂණය පැතිකඩ තුළින් අධ්යනයක් සිදු කර ඒ සඳහා ප්රතිපත්තියක් සහ මාර්ගෝපදේශයක් පිළියෙළ කර ඇති බවත් පැවසූ අග්රාමාත්යවරිය එය ඉදිරියේදී ජාතික අධ්යාපන ආයතනයේ ශාස්ත්රිය මණ්ඩලය වෙත ඉදිරිපත් කිරීමටද නියමිත බවත් ඇය පැවසුවා.
