සංචාරක එංගලන්ත කණ්ඩායමට එරෙහි එක්දින ක්රිකට් තරගාවලිය ආරම්භ කරමින් අද (22) පැවති තරගයෙන් ලකුණු 19ක ජයක් ලැබීමට ශ්රී ලංකා කණ්ඩායම සමත් වුණා.
ඒ අනුව තරග 3කින් යුත් තරගාවලිය තරග 1-0ක් ලෙස ශ්රී ලංකාව පෙරමුණ ගත්තා.
කොළඹ ආර්. ප්රේමදාස ක්රීඩාංගණයේ පැවති මෙම තරගයේ ශ්රී ලංකා කණ්ඩායම ලබාදුන් ලකුණු 272ක ඉලක්කයට පිළිතුරු ලෙස එංගලන්තයට පන්දුවාර 49.2කදී සියලු දෙනා දැවී රැස්කිරීමට හැකිවූයේ ලකුණු 252ක් පමණයි.
එංගලන්ත ඉනිම ඔසවා තැබූ බෙන් ඩකට් (62) හා ජෝ රූට් (61) රැස්කළ අර්ධ ශතක රැස්කළා.
අවසන් පන්දුවාර කිහිපයේ දී එංගලන්තයට බලාපොරොත්තුවක් රැගෙන ආ ජෙමී ඔවර්ටන් පන්දු 17කින් ලකුණු 34ක් රැස්කර ගත්තා.
ශ්රී ලංකාව වෙනුවෙන් ජෙෆ්රි වැන්ඩර්සේ (2/39), දුනිත් වෙල්ලාලගේ (2/41) හා ප්රමෝද් මධුෂාන් (3/39) පන්දු යැවීමෙන් දක්ෂතා දක්වනු ලැබුවා.
එංගලන්ත කණ්ඩායමක් ශ්රී ලංකාවේ එක්දින තරග සංචාරකට එක්ව ඇත්තේ වසර 7කට පමණ පසුවයි.
අවසන්වරට ඔවුන් 2018 වසරේ දී මෙරට සංචාරයක නිරත වූ අතර, එහිදී තරග 5කින් යුත් තරගාවලිය තරග 3-1ක් ලෙස ජයගැනීමට ඔවුන් සමත් වුණා.
