නීතිවිරෝධී ලෙස රුපියල් ලක්ෂ හයක් වටිනා විසිතුරු මල් පැළ තොගයක් මෙරටට රැගෙන විත් ඒවා කටුනායක ගුවන් තොටුපොළ පැමිණීමේ පර්යන්තයේ " හරිත මාවත " ඔස්සේ පිට කර ගෙන යාමට උත්සාහ කළ 19 හැවිරිදි ශිෂ්යයෙකු අද අලුයම රේගු ජෛව විවිධත්ව , සංස්කෘතික හා ජාතික උරුමයන් ආරක්ෂණ අංශයේ නිලධාරීන් සහ කටුනායක ගුවන් තොටුපොළ රේගු නිලධාරීන් පිරිසක් එක්ව අත් අඩංගුවට ගෙන තිබේ .
මෙලෙස අත්අඩංගුවට ගෙන ඇත්තේ මීගමුව , කොච්චිකඩේ ප්රදේශයේ පදිංචි අයෙකි.
මොහු අද අලුයම තායිලන්තයේ බැංකොක් නුවර සිට තායි ගුවන් සේවයේ ටී.ජී.- 307 දරණ ගුවන් යානයෙන් කටුනායක ගුවන් තොටුපොළ වෙත පැමිණ තිබුනු අතර ඔහූගෙ ගමන් මලු තුනක් තුළ ප්රිලෝඩෙන්ඩ්රම් , ඇග්ලෝනිමා , ඇලොකේශියා සහ මොන්ස්ටෙරා වර්ග වල විසිතුරු මල් පැළ 386 ක් සගවා ගෙන සිට ඇත.
