මෙරට සිංහල හා දෙමළ අලුත් අවුරුදු නැකැත් සීට්ටුව ලබන 16 වනදා බුද්ධශාසන, ආගමික හා සංස්කෘතික කටයුතු අමාත්යවරයා විසින් ප්රකාශයට පත්කිරීමට නියමිත බව සංස්කෘතික කටයුතු දෙපාර්තමේන්තුව පවසනවා.
නැකැත් සම්පාදනය කිරීමට පාර්ශව දෙකක් ඉදිරිපත් වීම හේතුවෙන් නැකැත් සීට්ටුව සම්බන්ධයෙන් මේ වන තෙක් එකඟතාවකට පැමිණීමට නොහැකි වී ඇති බවයි එම දෙපාර්තමේන්තුව පෙන්වා දෙනවා.
1991 වසරේ සිට අලුත් අවුරුදු නැකත් සම්පාදනය රාජ්ය අනුග්රහය යටතේ සිදුවූව ද 2024 වසරේ දී නැකත් කමිටුවේ සාමාජිකයින් අතර පැවති මතභේද හේතුවෙන් සංස්කෘතික කටයුතු භාර හිටපු අමාත්යවරයා විසින් රාජ්ය නැකැත් කමිටුව විසුරුවා හැරීමට පියවර ගෙන තිබූ බව සඳහන්.
ඒ අනුව 2025 වර්ෂයේදී පොහොය කමිටුවේ සාමාජිකයින් වන සාම්ප්රදායික පංචාංග ලිත් කතෘවරුන් මගින් අලුත් අවුරුදු නැකැත් සීට්ටුව සම්පාදනය කිරීමට පියවර ගත් බව සංස්කෘතික කටයුතු දෙපාර්තමේන්තුව පවසනවා.
කෙසේ වෙතත්, 2026 වර්ෂය සඳහා නැකැත් සම්පාදනය කිරීමට කණ්ඩායම් දෙකක් ඉදිරිපත් වී ඇති අතර පොදු එකඟතාවකට එළඹීමේ අරමුණින් අවස්ථා 4කදී එම කණ්ඩායම් සමග සාකච්ඡා කළ ද මේ දක්වාත් ඒ පිළිබඳව එකඟතාවකට පැමිණීමට නොහැකි වී ඇති බව සඳහන්.
ඒ අනුව තවදුරටත් එම දෙපාර්ශවය සමඟ සාකච්ඡා පවත්වමින් සිංහල දෙමළ අලුත් අවුරුදු නැකත් සීට්ටුව ඒකාබද්ධව සකස් කර ලබන 16 වැනිදා ප්රකාශයට පත් කිරීම සිදුවන බව සංස්කෘතික කටයුතු දෙපාර්තමේන්තුව සඳහන් කළා.
