විදුලි ගාස්තු සංශෝධනවලදී ප්රමිතියෙන් තොර ගල්අඟුරු හේතුවෙන් වැය වන අතිරේක පිරිවැය විදුලි පාරිභෝගිකයාගෙන් අය නොකිරීමට ශ්රී ලංකා මහජන උපයෝගීතා කොමිසම ඒකමතිකව තීරණය කර තිබෙනවා.
එම කොමිෂන් සභාව පැවසුවේ විදුලි ගාස්තු සංශෝධන යෝජනාවලදි සලකා බලනුයේ විදුලි ජනනය, සම්ප්රේශණය සහ බෙදාහැරීම සඳහා වැයවන සාධාරණ පිරිවැය පමණක් වන බවයි.
පසුගිය විදුලි ගාස්තු සංශෝධන තීන්දුවේදීද ගල් අඟුරු තත්ත්වය හේතුවෙන් වැයවන අතිරේක පිරිවැය හෝ වෙනත් සාධාරණ නොවන පිරිවැය අනුමත කර නොමැති බවත් ඔවුන් පැවසුවා.
එසේම, ඉදිරි ගාස්තු සංශෝධන යෝජනාවලදීද ප්රමිතියෙන් තොර ගල්අඟුරු හේතුවෙන් ඇතිවිය හැකි පිරිවැය හෝ වෙනත් සාධාරණ නොවන පිරිවැය විදුලිගාස්තුවලට ඇතුළත් නොකිරීම සඳහා මහජන උපයෝගීතා කොමිසම ඒකමතිකව තීරණය කළ බවත් එම කොමිෂන් සභාව වැඩිදුරටත් සඳහන් කළා.
