2026 වසරේ මේ දක්වා ගතවූ කාලය තුළ වාර්තා වූ ඩෙංගු රෝගීන් සංඛ්යාව 68,000 ඉක්මවා ඇතැයි ජාතික ඩෙංගු මර්දන ඒකකය පවසනවා.
එම ඒකකය සඳහන් කර ඇත්තේ වසරේ මේ දක්වා කාලය තුළ සමස්ත ඩෙංගු රෝගීන් සංඛ්යාව 68,071ක් වාර්තා වී ඇති බවයි.
ඉන් රෝගීන් 47 දෙනෙකු ජීවිතක්ෂයට පත්ව ඇතැයිද ජාතික ඩෙංගු මර්දන ඒකකය සඳහන් කළා.
මින් වැඩිම රෝගීන් ප්රමාණයක් වාර්තා වී ඇත්තේ පසුගිය ජුනි මාසයේදී වන අතර එම රෝගීන් සංඛ්යාව 21,538ක්.
ජූලි මාසයේ ගතවූ දින 11ක කාලය තුළද සැලකිය යුතු ඩෙංගු රෝගීන් සංඛ්යාවක් වාර්තා වී ඇති අතර ඒ අනුව පසුගිය දින 12ක කාලය තුළ ඩෙංගු රෝගීන් 12,692ක් වාර්තා වී ඇති බවත් ජාතික ඩෙංගු මර්දන ඒකකය සඳහන් කළා.
මින් වැඩිම රෝගීන් ප්රමාණයක් මේ දක්වා වාර්තා වී ඇත්තේ බස්නාහිර පළාතෙන් වන අතර එම රෝගීන් සංඛ්යාව 35,823ක් ලෙස සටහන් වනවා.
මීට අමතරව දකුණු පළාතෙන් රෝගීන් 10,657ක්, සබරගමුව පළාතෙන් රෝගීන් 5,756ක් සහ මහනුවර දිස්ත්රික්කයෙන් රෝගීන් 5,560ක් ලෙස වැඩිම රෝගීන් ප්රමාණයක් වාර්තා වී තිබෙනවා.
