පොදුරාජ්ය මණ්ඩලීය රන් පදක්කම්ලාභී ශ්රී ලංකාවේ රුමේෂ් තරංග, ලෝක හෙල්ල විසිකිරීමේ ශ්රේණිගත කිරීම්වල යළිත් වරක් ප්රථම ස්ථානය හිමිකර ගැනීමට සමත්ව තිබෙනවා.
ස්විට්සර්ලන්තයේ ලොසෑන් නුවර පැවැති ඩයමන්ඩ් ලීග් මලල ක්රීඩා තරගාවලියේ 12 වන අදියරේදී ඔහු දැක්වූ දක්ෂතාව හේතුවෙන් මෙලෙස පෙරමුණ ගැනීමට හැකිව ඇතැයි සඳහන්.
ඉකුත් අගෝස්තු 21 වැනිදා පැවැති එම තරගයේදී මීටර් 88.14 ක දුරක් විසිකරමින් පළමු ස්ථානය දිනාගැනීමට රුමේෂ් සමත් වුණා.
නව ශ්රේණිගත කිරීම්වලට අනුව රුමේෂ් තරංග ලකුණු 1,363 ක් ලබාගෙන සිටින අතර, මෙතෙක් එහි පෙරමුණේ පසුවූ ජර්මනියේ ජූලියන් බෙබර් දෙවැනි ස්ථානයට ඇද වැටී පත්ව තිබුණා.
බෙබර් හිමිකරගෙන සිටින ලකුණු සංඛ්යාව 1,342 ක්.
